Алтан гадас одонт, Боловсролын тэргүүний ажилтан, Тэргүүлэх багш Ж. Цэрэндорж агсаны нэрэмжит Говийн бүсийн математикийн олимпиад 2025.02.22-23-нд Өвөрхангай аймагт амжилттай зохион байгуулагдаж өндөрлөлөө. Тус олимпиадад Өвөрхангай, Өмнөговь, Дундговь, Баянхонгор аймгийн 250 гаруй багш, сурагчид оролцлоо. Уг олимпиад нь улсын математикийн олимпиадын 2-н давааны хүрээнд зохион байгуулагдаж байгаа бөгөөд 11-р сард болсон 1-р шатны онлайн олимпиадаас зохих оноо авч шалгарсан нэр заасан сурагчид оролцсон билээ. Уг олимпиадад тус сургуулийн 6-р ангийн сурагч Чинбатын Мөнх-Эгшиглэн цор ганцаараа болзол ханган оролцож Мөнгөн медаль хүртлээ. Бяцхан оюунлаг шавьдаа халуун баяр хүргэж улам их амжилтыг хүсье. Цэгцтэй зөв сэтгэх нь математикт суралцахаас эхэлдэг...
Сургуулийн захиргаа
